KANADADAKI AZƏRBAYCAN MƏKTƏBİNDƏ MƏZUN GECƏSİ KEÇİRİLMİŞDİR
AZƏRTAC xəbər verir ki, Kanada Azərbaycan Federasiyasının toplantı salonunda Azərbaycan məktəbi şagirdlərinin məzun mərasimi keçirilmişdir.
Kanada Azərbaycan Assosiasiyaları Federasiyasından verilən məlumata görə, əvvəlcə Azərbaycanın dövlət himni səslənmişdir. Mərasimdə məktəblilər milli musiqimizdən parçalar, rəqs nömrələri ifa etmiş, şeirlər oxumuşlar. Bundan əlavə, məktəblilərin Vətənimizin gözəlliklərini tərənnüm edən rəsmləri nümayiş etdirilmişdir.
Kanadadakı Azərbaycan və türk icmasının fəallarının iştirak etdikləri tədbirin sonunda məzunlara diplomlar verilmişdir.
Bölmənin digər xəbərləri
