“Kəpəz” futbol klubu Antalyada dörd yoxlama oyunu keçirəcək
Bakı, 22 dekabr, AZƏRTAC
“Kəpəz” futbol klubu Antalyada keçirəcəyi təlim-məşq toplanışı müddətində dörd yoxlama oyununa çıxacaq.
AZƏRTAC “Kəpəz” futbol klubunun saytına istinadən xəbər verir ki, Gəncə klubunun rəqiblərindən üçü artıq məlumdur. Komandamız yanvarın 22-də “Viitorul” (Konstanta, Rumıniya), altı gün sonra “Yagelloniya” (Belostok, Polşa) və yanvarın 31-də “Spartak” (Subotiça, Serbiya) klubları ilə qarşılaşacaq.
Xatırladaq ki, “sarı-göylər” gələn il yanvarın 17-dən fevralın 2-dək qardaş ölkədə hazırlıq keçəcək.
Bölmənin digər xəbərləri
