“Keşlə” Azərbaycan Premyer Liqasında 600-cü oyununu keçirib
Bakı, 18 oktyabr, AZƏRTAC
“Keşlə” Azərbaycan çempionatlarında 600-cü oyununu keçirib. Yubiley Premyer Liqanın VII turuna təsadüf edib. Sənan Qurbanovun yetirmələri səfərdə “Səbail”ə 2:1 hesabı ilə qalib gəliblər.
AZƏRTAC xəbər verir ki, əvvəllər “Xəzər Universiteti” və “İnter” adları altında da çıxış etmiş Bakı təmsilçisi ölkə çempionatında 1999-2000-ci il mövsümündən mübarizə aparır. Paytaxt təmsilçisi bu müddətdə 277 qələbə qazanıb, 156 heç-heçə edib və 167 dəfə meydanı məğlubiyyətlə tərk edib.
Qeyd edək ki, “Keşlə” çempionatdakı oyun sayında 3-cü komandadır. Yalnız “Qarabağ” və “Neftçi” daha çox (hər ikisi 832) matça keçirib.
Bölmənin digər xəbərləri
