KİMSƏSİZ UŞAQLARA YARDIM MƏQSƏDİ İLƏ XEYRİYYƏ TURNİRİ KEÇİRİLMİŞDİR
Bakı, 7 aprel (AZƏRTAC). Azərbaycanda “Uşaq ili” çərçivəsində kimsəsiz uşaqlara yardım məqsədi ilə karatenin kantakt və şotokan növləri üzrə xeyriyyə turniri keçirilmişdir.
Yarışda paytaxt təmsilçiləri ilə yanaşı, Ucar, Yevlax, Ağdaş və Mingəçevirdən 200-ə yaxın idmançı müxtəlif yaş qruplarında mübarizə aparmışdır.
Kontakt karate yarışlarında Cəlil Mahmudov (60 kiloqram), Aydın Babayev (65 kiloqram), Rəşad Rzayev (65 kiloqram), Famil Xudiyev (70 kiloqram), Pərvin Abbasov (75 kiloqram), Əlizamin Heydərov (82 kiloqram) birinci yerə layiq görülmüşlər.
Daha sonra mübarizəyə karatenin şotokan növü üzrə idmançılar qoşulmuşlar. 60 kiloqram çəki dərəcəsində Hüseyn Babayev, Sahil Məmmədov, Qardaşəli Rəcəbov və Xəyal Zalov həmyaşıdları arasında birinci olmuşlar. 65 kiloqramda isə Elşad Süleymanov, Bəhruz Niftəliyev, Ülvi Xəlilzadə və Elton Ümidov öz yaş qruplarında qızıl medallara layiq görülmüşlər.
Turnirdən əldə olunan gəlir kimsəsiz uşaqların ehtiyaclarına sərf olunacaqdır.
Bölmənin digər xəbərləri
