Kişilər arasında şahmat üzrə Azərbaycan yığması Avropa çempionatında ilk qələbəsini qazanıb
Bakı, 14 noyabr, AZƏRTAC
İslandiyanın paytaxtında kişilər və qadınlar arasında şahmat üzrə Avropa Komanda çempionatı başlayıb.
AZƏRTAC xəbər verir ki, mükafata layiq yerlər uğrunda 35 yığma, o cümlədən Azərbaycan yığmaları mübarizə aparırlar.
Avropanın kişilər arasında hazırkı çempionu Azərbaycan komandası, qadınlar arasında isə Ukrayna yığmasıdır.
Azərbaycanın kişilərdən ibarət yığması start turnirdə Sloveniya komandasını 3:1 hesabı ilə udub. Eltac Səfərli və Arkadi Naydiç öz görüşlərində qələbə qazanıblar. Rauf Məmmədov və Teymur Rəcəbov heç-heçə oynayıblar.
Azərbaycanın qadın yığması isə Belçika komandası ilə görüşüb. Bu matç heç-heçə başa çatıb. Nərmin Kazımova və Ülviyyə Fətəliyeva qalib gəliblər, Zeynəb Məmmədyarova və Gülnar Məmmədova isə uduzublar.
Bölmənin digər xəbərləri
