Kiyevdə GUAM-ın turizm üzrə İşçi qrupunun iclası keçirilmişdir
Kiyev, 6 iyul (AZƏRTAC). İyulun 5-də Kiyevdə, GUAM-ın iqamətgahında qurumun turizm üzrə İşçi qrupunun 10-cu iclası keçirilmişdir. İclasda GUAM ölkələrinin turizm idarələrinin, şirkətlərinin, xarici işlər nazirliklərinin, habelə Ukraynada akkreditə olunmuş səfirliklərinin və qurumun Katibliyinin nümayəndələri iştirak etmişlər.
Forumda Yaponiya turizm agentliklərinin əlaqədar nümayəndələri üçün iyulun 18-29-da informasiya turunun keçirilməsinə hazırlıq, habelə Yaponiya KİV-lərinin nümayəndələri üçün press-turun keçirilməsinin əsas məsələləri müzakirə edilmişdir.
JATA World Travel Fair 2011 (Tokio, 28 sentyabr - 1 oktyabr) sərgisində iştiraka hazırlıq barədə informasiya dinlənilmişdir.
Tərəflər növbəti profilli iclası bu ilin sentyabrında keçirmək barədə razılığa gəlmişlər.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
