KOREYALI TAEKVONDOÇULAR GƏNCƏDƏ TƏLİM KEÇİRLƏR
Gəncə, 15 avqust (AZƏRTAC). Koreya Respublikasından gəlmiş taekvondoçular Gəncə Olimpiya İdman Kompleksində regionun idmançıları üçün təlim məşqlərinə başlamışlar.
Gəncə ilə yanaşı Şəki, Zaqatala, Qazax, Tovuz, Ağcabədi və sair rayonların idmançıları da hər gün koreyalı mütəxəssislərin iştirakı ilə gərgin məşqlər edir, bu idman növünün sirlərinə yiyələnirlər.
Azərbaycan Taekvondo Federasiyasının (ATF) Gəncə regional nümayəndəliyinin rəhbəri Sahib Rzayev bu barədə məlumat verərək demişdir ki, ATF-in dəstəyi ilə keçirilən təlimlərin əsas məqsədi yeni metodların öyrənilməsi və inkişafı ilə bağlı təcrübə mübadiləsi aparmaq, eləcə də Olimpiya oyunlarına aid olan bu idman növünün yarış qaydaları barədə iidmançılara ətraflı məlumat verməkdir.
Təlimlər bir həftə davam edəcəkdir.
Bölmənin digər xəbərləri
