Kür çayının aşağı axınında suyun səviyyəsi azalmışdır
Bakı, 6 avqust (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən avqustun 6-da çaylarda suyun səviyyəsi araşdırılmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın Quba-Xaçmaz bölgəsi çaylarında sululuq ongünlük normanın 70-110, Kiçik Qafqazın çaylarında 100-140, Lənkəran-Astara bölgəsi çaylarında 70-90, Naxçıvan MR çaylarında isə 110-115 faizini təşkil etmişdir.
Müəyyən edilmişdir ki, Kür çayının Qıraqkəsəmən məntəqəsində suyun səviyyəsi 2 santimetr artmışdır. Qanıx çayının Əyriçay məntəqəsində isə suyun səviyyəsində 3 santimetr azalma müşahidə olunmuşdur.
Avqustun 3-dən başlayaraq Kür çayının aşağı axınındakı Surra məntəqəsində suyun səviyyəsində 4, Şirvanda 6, Salyanda 13, Bankədə və Araz çayının Novruzlu məntəqəsində isə 2 santimetr azalma qeydə alınmışdır.
Bölmənin digər xəbərləri
