Kür çayının Qıraqkəsəmən məntəqəsində suyun səviyyəsi artmışdır
Bakı, 10 avqust (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən avqustun 10-da çayların vəziyyyəti ilə bağlı araşdırma aparılmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın Quba-Xaçmaz bölgəsi çaylarında sululuq ongünlük normanın 60-110, Kiçik Qafqazın çaylarında 100-130, Lənkəran-Astara bölgəsi çaylarında 60-90, Naxçıvan MR çaylarında isə 105-110 faizini təşkil etmişdir.
Müəyyən edilmişdir ki, Kür çayının Qıraqkəsəmən məntəqəsində suyun səviyyəsi 2 santimetr artmışdır. Lakin avqustun 6-dan başlayaraq Kür çayının aşağı axınında suyun səviyyəsində azalma qeydə alınmışdır.
Hazırda Kürün Surra məntəqəsində suyun səviyyəsi 335, Şirvanda 202, Salyanda 150, Bankədə 220, Araz çayının Novruzlu məntəqəsində isə 95 santimetrdir.
Bölmənin digər xəbərləri
