Kür və Araz çaylarında su sərfi ötən illərlə müqayisədə aşağıdır
Bakı, 15 may (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentinin ekspedisiya qrupu Kür və Araz çaylarının axımına nəzarət məqsədi ilə yoxlama ölçmə işləri aparmışdır.
Nazirliyin mətbuat xidmətindən AZƏRTAC-a bildirmişlər ki, “ADP SonTek” ultrasəs dopler сihazı vasitəsilə 7 məntəqədə aparılmış ölçmə işləri zamanı çayların en kəsiyinin profili, sahəsi, dərinliyi, en kəsiyi boyu müxtəlif dərinliklər üzrə suyun sürəti ölçülmüş və su sərfləri hesablanmışdır.
Alınan nəticələrdən məlum olmuşdur ki, hər iki çayda su sərfi keçən illə və ondan əvvəlki illərlə müqayisədə xeyli aşağıdır.
Bölmənin digər xəbərləri
