Kür və Araz transsərhəd çaylarında biogen maddələrin miqdarı normadan dəfələrlə artıq olmuşdur
Bakı, 30 dekabr (AZƏRTAC). Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının çirklənmə vəziyyətini öyrənmək məqsədi ilə dekabr ayının üçüncü ongünlüyü üçün növbəti monitorinq keçirmişdir.
Nazirliyin mətbuat xidmətindən AZƏRTAC-a bildirmişlər ki, monitorinqin nəticələrinə əsasən, Gürcüstan və Ermənistan ərazilərindən təmizlənmədən axıdılan məişət tullantıları və sənaye müəssisələrinin çirkab sularının təsiri nəticəsində Kür çayı və onun qollarında biogen maddələrin miqdarı normadan dəfələrlə artıq olmuşdur. Suyun tərkibindəki spesifik çirkləndiricilərdən fenol və mis birləşmələri Kür çayının Şıxlı-2 məntəqəsində, Ağstafaçayda, eləcə də Ağstafaçay su anbarında yol verilən qatılıq həddini keçmişdir.
Eyni hal Araz çayının Horadiz, Şahsevən və Bəhramtəpə məntəqələrində də müşahidə olunmuşdur.
Suyun oksigen rejiminin isə bütün məntəqələrdə sanitar norma daxilində dəyişdiyi müəyyən edilmişdir.
Bölmənin digər xəbərləri
