Laçın sakini: Doğma torpağa qovuşmaq illərlə yaşadığım həsrətə son qoydu
Bakı, 29 may, AZƏRTAC
Doğma torpağa qovuşmaq illərlə yaşadığım həsrətə son qoydu. Bu gün yurdumu yenidən görmək, orada yaşamaq imkanı əldə etmək mənim üçün əvəzolunmaz hissdir. Hər bir qarış torpağımız uğrunda canını fəda edən şəhidlərimizə Allahdan rəhmət, qazilərimizə şəfa diləyirəm.
AZƏRTAC xəbər verir ki, bu sözləri bu gün Laçın rayonunun Bəylik kəndinə köç edən keçmiş məcburi köçkün Vəfa Abışova deyib.
V.Abışova qeyd edib ki, uzun illər bu günü gözləyib: “Bura bizim dədə-baba yurdumuzdur. Artıq burada yaşamaq zamanıdır. Əminəm ki, tezliklə kəndimizdə həyat tam bərpa olunacaq, biz də bu prosesə öz töhfəmizi verəcəyik”.
Bölmənin digər xəbərləri
