Larnaka aeroportunda koronavirusa görə həyəcanlı anlar yaşanıb
Afina, 24 fevral, AZƏRTAC
Kipr hökuməti şəxsi təyyarədə Larnaka aeroportuna İsraildən gələn 4 nəfər sərnişinin koronavirus daşıyıcıları olduqları barədə məlumat aldıqdan sonra fövqəladə tədbirlər həyata keçirib. Sərnişinlərin biri təcili Nikosiya xəstəxanasına yerləşdirilib. Digərləri müayinə edilir. Onların səhhəti barədə tezliklə Səhiyyə nazirliyi məlumat yayacaq. Qeyd edək ki, koronavirusun yayılması bir çox dövlətləri o cümlədən Kipri fövqəladə tədbirlər həyata keçirməyə məcbur edib. Virusun İtaliyada və digər ölkələrdə yayılması sərhədlərin bağlanması, ölkələr arasında nəqliyyat əlaqələrinin kəsilməsi ilə nəticələnir.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
