LATVİYADA PİVƏ İÇMƏK QADAĞAN EDİLİR

14.05.2004 [22:50]
Çap et
A⁺ A^-

AZƏRTAC-ın müxbiri Latviya mətbuatına istinadla xəbər verir ki, bu Baltiya respublikasının Liyepaya şəhərində ictimai yerlərdə fala baxmaq, cadugərlık etmək və pivə içmək bundan sonra hüquq pozuntusu sayılacaqdır. Şəhər şurası bu barədə müvafiq qərar qəbul etmişdir. Bundan başqa, Liyepayada küçələrdə dilənmək, dini təriqət və qruplaşmaların təbliğat mərasimləri keçirməsi də yasaqlanır.

Pivəni ancaq alkoqollu içkilərin alındığı yerdə, içmək üçün satıldığı iaşə obyektlərində, şəhər şurasının icazəsi ilə keçirilən ictimai tədbirlərdə, habelə müvafiq vəzifəli şəxslərin razılığı ilə təşkil edilən qapalı tədbirlərdə içmək olar. Dilənçilər, cadugərlər və falabaxanlar, eləcə də ictimai yerlərdə gecələyənlər qadağanı pozsalar, 50 dollaradək cərimə ediləcəklər.

LATVİYADA PİVƏ İÇMƏK QADAĞAN EDİLİR

MÜƏLLİFLƏ ƏLAQƏ

Bölmənin digər xəbərləri