Leandro Andrade “Qarabağ”da 60-cı qolunu vurub
Bakı, 5 may, AZƏRTAC
Leandro Andrade “Qarabağ”ın heyətində bütün turnirlər nəzərə alınmaqla 60-cı qolunu vurub.
Peşəkar Futbol Liqasından AZƏRTAC-a verilən məlumata görə, portuqaliyalı yarımmüdafiəçinin yubileyi Premyer Liqanın XXX turunun “Turan Tovuz”la ev qarşılaşmasına (2:1) təsadüf edib.
Andrade 60-cı qolunu Ağdam klubunda çıxdığı 211-ci matçında vurub. O, Premyer Liqada 45 (135 oyunda), ölkə kubokunda 2 (20 oyunda), avrokuboklarda 13 (56 oyunda) qola imza atıb.
Qeyd edək ki, Leandro Andrade “Qarabağ”da ilk qolunu 2022-ci il aprelin 2-də “Səbail”lə (5:1) çempionat görüşündə vurub.
Bölmənin digər xəbərləri
