“Lego Group” şirkəti emal edilmiş plastik şüşələrdən konstruktorlar hazırlamağı dayandıracaq
Bakı, 27 sentyabr, AZƏRTAC
Məşhur konstruktor istehsalçısı olan Danimarkanın “Lego Group” şirkəti onun detallarının hazırlanması üçün emal edilmiş plastik şüşələrdən istifadə etməkdən imtina edib.
Bu barədə AZƏRTAC xarici KİV-lərə istinadla xəbər verir.
“Lego Group” şirkətinin baş icraçı direktoru Nils Kristiens izah edib ki, konstruktorun kərpicləri üçün xammal kimi təkrar emal edilmiş polietilentereftalatdan istifadə etməyə davam etmək üçün yeni tipli avadanlığa keçmək lazımdır.
Müəyyən edildiyi kimi, bu proses atmosferə karbon tullantılarının həcmlərinin artmasına səbəb olardı. Beləliklə, oyuncaqların hazırlanması üçün emal edilmiş şüşələrdən istifadə edilməsi, nəticədə, adi plastik ilə müqayisədə ətraf mühitə daha böyük ziyan vurardı.
Bölmənin digər xəbərləri
