Litva Polşa və Baltikyanı ölkələrə vahid hava hücumundan müdafiə sistemi yaratmağı təklif edir
Vilnüs, 20 sentyabr, AZƏRTAC
Litva hökuməti Latviya, Estoniya və Polşanın birlikdə vahid regional hava hücumundan müdafiə sisteminin yaradılması təklifini irəli sürüb.
AZƏRTAC xəbər verir ki, bu barədə Litva telekanallarından birinin efirində Litva Prezidentinin müdafiə məsələləri üzrə müşaviri Vytautas Jukas məlumat verib.
Müşavir deyib ki, birlikdə hava məkanının təhlükəsizliyini təmin etmək daha asan olardı. Belə ki, bu məsələdə NATO da yaxından kömək edə bilər.
Qeyd edək ki, hər dörd ölkə - Litva, Latviya, Estoniya və Polşa Şimali Atlantika Alyansının (NATO) üzvüdür.
Aygün Əliyeva
AZƏRTAC-ın xüsusi müxbiri
Vilnüs
Bölmənin digər xəbərləri
