LONDONDA KEÇİRİLƏN 4-CÜ ELM SƏRGİSİNDƏ AZƏRBAYCANLI MƏKTƏBLİLƏR ÜÇÜNCÜ YERİ TUTMUŞLAR
AZƏRTAC xəbər verir ki, mayın 13-də Londondakı “Wisdom Primary and Secondary School” və “AXİS Educational Trust” təşkilatları tərəfindən təşkil olunmuş 4-cü elm sərgisində şəhərdəki “Caspian-Khazri” Azərbaycan məktəbinin şagirdləri üçüncü yerə layiq görülmüşlər.
Xarici Ölkələrdə Yaşayan Azərbaycanlılarla iş üzrə Dövlət Komitəsindən verilən məlumata görə, tədbir fizika, kimya, riyaziyyat və biologiya fənnləri üzrə keçirilmişdir.
Dünyanın ən aktual problemlərindən olan tullantıların yenidən istehsalına dair layihəyə hazırlaşan Azərbaycan məktəbinin iki şagirdi - Ülkər və Fidan sərgini izləməyə gələnlərin səsverməsi ilə üçüncü yeri tutmuşlar.
Xatırladaq ki, Londondakı Azərbaycan məktəbi bir il əvvəl fəaliyyətə başlamışdır.
Bölmənin digər xəbərləri
