Madrid ev heyvanları ilə səyahət üçün İspaniyanın ən yaxşı şəhəri adını qazanıb

09.02.2022 [05:06]
Çap et
A⁺ A^-

Madrid, 9 fevral, AZƏRTAC

Böyük Britaniyanın “My Baggage” şirkəti tərəfindən aparılan tədqiqatın nəticəsinə görə, Madrid it və pişiklərlə səyahət üçün ən yaxşı İspaniya şəhəridir.

AZƏRTAC xəbər verir ki, reytinq müəllifləri ən yaxşı istiqamətləri müəyyən etməkdən ötrü şəhərin mərkəzindən 8 kilometr radiusda yerləşən bütün baytarlıq klinikalarını, həmçinin heyvan mağazalarını axtarmaq üçün əvvəlcə “Yelp” xidmətindən istifadə ediblər. Daha sonra “Tripadvisor” xidmətinin köməyi ilə müştərilərinə öz ev heyvanları ilə içəri girməyə icazə verən restoran və kafelər axtarılaraq tapılıb. Nəhayət, it və pişik sahiblərinə onlarla birgə qalmaq imkanı verən bütün otellər “Booking” vasitəsilə müəyyən edilib.

İspaniyada 100 şəhər təhlil olunub və Madrid qalib gəlib.

Nigar Cəfərli

AZƏRTAC-ın xüsusi müxbiri

Madrid