MALAYZİYADA UŞAQLARA MƏŞUM ADLAR QOYMAQ QADAĞAN EDİLMİŞDİR
Əhalini milli qeydəalma şöbəsi ölkənin müxtəlif dini birlikləri -xristianlar, müsəlmanlar, buddistlər, hindular və daoistlər ilə məsləhətləşdikdən sonra bu qərara gəlmişdir.
Ənənəvi olaraq əhalinin bəzi qrupları iblisləri və şeytanları dəf etmək üçün körpələrə məşum adlar qoyurdular. Lakin hazırda adını dəyişmək istəyən vətəndaşların sayı artır.
İndi Malayziyada Ah Chvar (ilan) və yaxud Khiov Khoo (qozbel) adlı uşaqlara rast gəlməzsiniz.
Körpələrə heyvan, həşərat, meyvə, tərəvəz və yaxud güllərin adlarını qoymaq valideynlərə qadağan edilmişdir. Siyahıya rəqəmlərdən ibarət olan adlar da daxildir, məsələn, balaca Ceyms Bond adı doğum haqqında şəhadətnamədə “007” kimi yazıla bilməz.
Digər məhdudiyyətlər uşaqlarına kralların və ya yapon avtomobillərinin adlarını qoyan valideynləri bu hərəkətdən çəkindirəcəkdir.
Bölmənin digər xəbərləri
