Maliyyə Nazirliyi tərəfindən növbəti depozit hərracı keçirilib
Bakı, 24 aprel, AZƏRTAC
Bu gün Maliyyə Nazirliyi tərəfindən dövlət büdcəsi vəsaitlərinin daha səmərəli idarə olunması məqsədilə vahid xəzinə hesabının milli valyutada olan sərbəst qalığının yerli banklarda depozitə yerləşdirilməsi üçün növbəti depozit hərracı təşkil edilib.
AZƏRTAC nazirliyin yaydığı məlumata istinadən xəbər verir ki, hərracın nəticələrinə əsasən, vahid xəzinə hesabının 500 milyon manat həcmində sərbəst qalığı kapitallaşma və aktivlərinin məbləği səviyyəsinə görə ölkənin ən iri beş bankında 32 gün müddətinə, 7,04 faiz orta çəkili faiz dərəcəsi ilə depozitə yerləşdirilib.
Bölmənin digər xəbərləri
