Marko Rubio gələn həftə Türkiyəyə səfər edəcək
Vaşinqton, 11 may, AZƏRTAC
ABŞ Dövlət katibi Marko Rubio mayın 14-16-da Türkiyəyə səfər edəcək.
AZƏRTAC-ın məlumatına görə, o, Antalya şəhərində keçiriləcək NATO-nun qeyri-rəsmi Xarici İşlər Nazirləri toplantısına qatılacaq.
Görüşdə alyans üçün təhlükəsizlik prioritetləri, müdafiə xərcləri və Rusiya-Ukrayna münaqişəsi müzakirə ediləcək. Dövlət katibi NATO-nun daha güclü və effektli olmasını təmin etmək üçün Prezident Trampın gündəliyini irəli sürəcək. Rubio qitəyə səfərini Prezident Donald Trampı mayın 11-14-də Səudiyyə Ərəbistanı və Qətərdə müşayiət etməklə başlayacaq.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
