MDB ÖLKƏLƏRİNƏ 562735,4 MİN DOLLARLIQ MƏHSUL İXRAC EDİLMİŞDİR
Dövlət Gömrük Komitəsinin Statistika və İnformasiya Texnologiyaları Baş İdarəsindən AZƏRTAC-a verilən məlumata görə, bu ilin 8 ayı ərzində respublikamızın rezident və qeyri-rezidentləri MDB ölkələrinə 562735,4 min ABŞ dolları dəyərində məhsul ixrac etmişlər. MDB ölkələrindən isə Azərbaycana 1347023,8 min ABŞ dolları dəyərində məhsul idxal olunmuşdur.
Respublikadan əsasən mineral yanacaq, neft və neft emalı məhsulları, bitumlu minerallar, qeyri-üzvi kimya məhsulları, heyvan və ya bitki mənşəli yağlar ixrac edilmişdir.
MDB ölkələrindən isə respublikamıza bitumlu minerallar, nəqliyyat vasitələri, dənli bitkilər, texniki avadanlıq və mexaniki cihazlar gətirilmişdir.
Bölmənin digər xəbərləri
