Mədəniyyət mərkəzi “İpək Yolu” layihəsinin icrasına başlayacaqdır
Bakı, 25 iyun (AZƏRTAC). Xətai Rayon Mədəniyyət Mərkəzinin “Fireland gənc turist” klubu “İpək Yolu” turizm layihəsinin icrasına hazırlaşır.
Bakı Şəhər Mədəniyyət və Turizm İdarəsindən AZƏRTAC-a bildirmişlər ki, layihənin başlıca məqsədi qədim Şəki şəhərinin tarixi abidələri olan Şəki Xan sarayı, Yuxarı və Aşağı karvansaralar, Kiş çayının sahilində Qaratəpə dağının zirvəsindəki “Gələrsən-görərsən” qalası, Kiş kəndindəki qədim alban kilsəsi, Orta Zəyzid kəndindəki kilsə, “Qızlar qalası” və Gavur qüllələri ilə yaxından tanış olmaqla ətraflı bilgilər toplamaqdır.
Klubun üzvləri, həmçinin Şəki mətbəxinin nümunəsi sayılan “Şəki pitisi”, “Şəki halvası”, “Şəki bamiyəsi” və s. özünəməxsus yemək və şirniyyatları da geniş miqyasda tanıtmağı nəzərdə tutmuşlar.
Laihə ilə müəyyənləşdirilmiş vəzifələrin “Turizm ili” çərçivəsində tam həyata keçirilməsi planlaşdırılmışdır.
Bölmənin digər xəbərləri
