Media: Hakan Fidan Moskvadan sonra Kiyevə səfər edəcək
Bakı, 27 may, AZƏRTAC
Hazırda Moskvada olan Türkiyənin xarici işlər naziri Hakan Fidan həftə sonu Kiyevə səfər etməyi planlaşdırır.
AZƏRTAC xəbər verir ki, Reuters agentliyi bu barədə mənbələrinə istinadla məlumat yayıb.
Məlumata görə, XİN rəhbəri Moskvada Ukrayna-Rusiya danışıqlarında Türkiyənin vasitəçilik rolunu təsdiqləmək niyyətindədir.
Xatırladaq ki, Hakan Fidan rusiyalı həmkarı Sergey Lavrovun dəvəti ilə Moskvada ikigünlük səfərdədir. O, mayın 26-da Rusiya Prezidenti Vladimir Putinlə görüşüb.
Bölmənin digər xəbərləri
