Məhəmməd Rza Məcidi: Azərbaycanla əməkdaşlığımızın davamlı olacağına inanıram
Bakı, 21 fevral, AZƏRTAC
Böyük şərəf hissi ilə qeyd edirəm ki, Asiya Parlament Assambleyasının (APA) 14-cü sessiyası tarixi şəhər olan Bakıda keçirilir. Azərbaycanla əməkdaşlığımızın davamlı olacağına inanıram.
AZƏRTAC xəbər verir ki, bu fikirləri APA-nın Baş katibi Məhəmməd Rza Məcidi Bakının ev sahibliyi etdiyi Asiya Parlament Assambleyasının 14-cü plenar sessiyası çərçivəsində qurumun İcraedici Şurasının fevralın 21-də keçirilən iclasında səsləndirib.
O qeyd edib ki, bugünkü iclasda APA-nın 14-cü plenar sessiyasının gündəliyi təsdiqlənəcək, həmçinin qurumun büdcəsinə baxılacaq.
Prezident İlham Əliyevi seçkilərdə qalib gəlməsi münasibətilə təbrik edən APA-nın Baş katib Azərbaycanın imkanlarını yüksək qiymətləndirib və ev sahibliyinə görə təşəkkürünü bildirib. Məhəmməd Rza Məcidi ölkəmizin APA-ya müvəffəqiyyətlə sədrlik edəcəyinə şübhə etmədiyini vurğulayıb.
Bölmənin digər xəbərləri
