Məhkəmə Çexiyanın Baş nazirini qalmaqallı təşkilatdan üzr istəməkdən azad edib
Praqa, 26 iyul, AZƏRTAC
Mərkəzi Çexiya Diyar Məhkəməsi ölkənin Baş naziri Andrey Babişi qalmaqallı “Transparency International” təşkilatından üzr istəməkdən azad etmək barədə əvvəlki qərarını bir daha təsdiqləyib.
AZƏRTAC xəbər verir ki, nəzəri cəhətdən bu qərardan şikayət verilə bilməsinə baxmayaraq, praktiki baxımdan onu qəti qərar hesab etmək olar.
Xatırladaq ki, bu yaxınlarda Babiş “Transparency International” təşkilatını korrupsiyaya qurşanmış təşkilat adlandırıb. Baş nazir özünün sonrakı bir neçə müsahibəsində də bu fikrini təkrarlayıb.
Hakim qəti qərar çıxararkən onu belə izah edib ki, Nazirlər Kabineti rəhbərinin həmin sözləri bir sıra başqa ölkələrdə bədnam ad çıxarmış bu təşkilat tərəfindən əsassız tənqidə cavab reaksiyası olub və ümumi kontekstdə deyilib.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
