Meksikaya məxsus hərbi gəmi Nyu-Yorkda Bruklin körpüsünə çırpılıb
Vaşinqton, 18 may, AZƏRTAC
Meksika Hərbi Dəniz Qüvvələrinə məxsus təlim gəmisi tanışlıq gəzintisi zamanı Nyu-Yorkda Bruklin körpüsünə çırpılıb.
AZƏRTAC-ın məlumatına görə, hadisə yerli vaxtla saat 20:26 radələrində (Bakı vaxtı ilə 04:26) baş verib. Qəza nəticəsində 3-ü ağır olmaqla, 20 nəfərin yaralandığı bildirilir. Nyu-York Polis Departamentinin yaydığı məlumata görə, hazırda çoxlu sayda insana yardım göstərilir. Lakin hadisənin səbəbləri və xəsarət alanlar barədə rəsmi məlumat verilməyib.
Gəminin göyərtəsində 200-dən çox sərnişin olub.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
