Məqsədimiz məzunlarımıza karyeralarını qurmaqda yardımçı olmaqdır
Bakı, 20 fevral, AZƏRTAC
Çalışırıq ki, tələbələrin keyfiyyətli təhsil almalarını təmin etməklə yanaşı, onların ixtisasları üzrə uğurlu karyera qurmaları üçün də kömək göstərək. Universitetimizdə ikinci dəfə təşkil olunan karyera sərgisinin məqsədi tələbə və məzunların karyera imkanlarını artırmaq, məşğulluqlarını inkişaf etdirmək, onlara əmək bazarında fəaliyyət göstərən, ixtisaslarına uyğun şirkətlərlə əlaqə yaratmaqlarına və real iş imkanlarından faydalanmalarına imkan yaratmaqdır.
AZƏRTAC xəbər verir ki bu fikirləri Azərbaycan Memarlıq və İnşaat Universitetinin (AzMİU) rektoru, professor Gülçöhrə Məmmədova fevralın 20-də universitetdə təşkil olunan karyera sərgisində deyib. O bildirib ki, sərgi AzMİU-nun tələbə və məzunlarına karyera yolunda ilkin addımlarını atmaqda böyük dəstək verəcək.
“Sərgiyə universitetin əməkdaşlıq etdiyi dövlət qurumları, özəl şirkətlər, həmçinin ölkənin aparıcı müəssisələri qoşulub. Bu çox təqdirəlayiq haldır. Belə sərgilər gənclərlə şirkətlər arasında körpü yaradaraq onların uğurlu karyera qurmaları üçün böyük önəm kəsb edir”, -deyə professor Gülçöhrə Məmmədova qeyd edib.
Bölmənin digər xəbərləri
