Mərakeşli futbolçu dünya çempionatında ilk dəfə hicabda çıxış edib
Bakı, 31 iyul, AZƏRTAC
Futbol üzrə qadınlardan ibarət Mərakeş yığmasının müdafiəçisi Nuhayla Benzina dünya çempionatlarının tarixində ilk dəfə olaraq oyunda hicabda iştirak edib.
AZƏRTAC xəbər verir ki, futbolçu qrup mərhələsinin ikinci turunda Cənubi Koreya komandasına qarşı bütün oyunu (1:0) keçirib. O, məhsuldar hərəkətlərlə fərqlənməyərək, görüşün 81-ci dəqiqəsində sarı kart alıb.
Dünya çempionatı iyulun 20-dən avqustun 20-nə qədər Yeni Zelandiya və Avstraliyada keçirilir. Turnirin hazırkı qalibləri amerikalılardır.
Bölmənin digər xəbərləri
