Meşə bərpa tədbirlərinin aparılması ilə bağlı statistik göstəricilər açıqlanmışdır
Bakı, 1 avqust (AZƏRTAC). Bu ilin yanvar-iyun aylarında ölkəmizdə meşə bərpa tədbirlərinin aparılması ilə bağlı statistik göstəricilər açıqlanmışdır.
Dövlət Statistika Komitəsindən AZƏRTAC-a bildirmişlər ki, meşə təsərrüfatları tərəfindən meşə sahələrinin seyrəkləşməsi və azalmasının qarşısının alınması, bütövlükdə ekoloji vəziyyətin yaxşılaşdırılması məqsədi ilə müəyyən işlər görülmüşdür.
Son altı ayda 1256 hektar sahədə meşə bərpa tədbirləri yerinə yetirilmiş, 14 min 772 hektarlıq meşə əkini və səpinlərinə xidmət göstərilmiş, 16 min 274 hektar ərazidə suvarılma, 1324 hektarda torpaq hazırlığı işləri görülmüşdür.
Ağac və kol cinslərinin toxumlarının tədarükü isə 6 min 172 hektar sahədə aparılmışdır. Toxumların 83,8 faizi enliyarpaqlı, 16,2 faizi iynəyarpaqlı ağac toxumları olmuşdur.
Bölmənin digər xəbərləri
