Milli Kitabxanada repressiya qurbanlarının xatirəsinə həsr olunmuş kitab sərgisi açılıb
Bakı, 30 oktyabr, AZƏRTAC
Milli Kitabxanada “30 Oktyabr - Ümumdünya Siyasi Repressiya Qurbanlarının Xatirə Günü” adlı kitab sərgisi istifadəçilərə təqdim olunub.
Kitabxanadan AZƏRTAC-a bildirilib ki, sərgidə Stalin repressiyası, sovet imperiyasının azərbaycanlılara qarşı repressiya və soyqırımı siyasəti, repressiyaya məruz qalmış tanınmış yazıçı və şairlərinin, teatr xadimlərinin və digər mütəfəkkir şəxsiyyətlərinin elmi-bədii yaradıcılığı, zindan həyatı və faciəli taleyindən bəhs edən Azərbaycan və müxtəlif dillərdə ədəbiyyatlar nümayiş olunur.
Qeyd edək ki, bu günün tarixi 1974-cü ildən keçmiş SSRİ-də məhkum olunmuş iki siyasi məhbusun həbsxanada belə təşəbbüslə çıxış etməsindən başlayır.
Azərbaycan da keçmiş SSRİ dönəmində siyasi repressiyalardan öz nəsibini almış ölkələrdəndir. 1920-ci illərdən başlayıb 30 ildən artıq davam edən repressiya nəticəsində Azərbaycanda öldürülənlərin sayının təxmini olaraq 70-120 min nəfər arasında dəyişdiyi ehtimal olunur ki, bunların da 29 mini ziyalılar idi.
Bölmənin digər xəbərləri
