Milli Kitabxanada “Turizm ili” ilə bağlı metodiki vəsait hazırlanmışdır
Bakı, 26 avqust (AZƏRTAC). M.F.Axundzadə adına Azərbaycan Milli Kitabxanasında “Turizm ili” ilə bağlı metodiki vəsait hazırlanaraq rayon kitabxanalarına göndərilmişdir.
Kitabxanadan AZƏRTAC-a bildirmişlər ki, bu vəsait Azərbaycan Respublikası Prezidentinin 2011-ci ilin “Turizm ili” elan edilməsi ilə bağlı cari ilin 20 iyul tarixli Sərəncamı ilə təsdiq edilmiş Tədbirlər Planına uyğun olaraq hazırlanmışdır.
Bundan əlavə, Milli Kitabxananın “www.anl.az” saytında Azərbaycan turizmi ilə bağlı bölmənin hazırlanmasına başlanılmışdır. Bölmədə turizm üçün əlverişli rayonlar, istirahət məkanları haqqında məlumatlar, hotellərin siyahısı təqdim olunacaqdır. Bununla yanaşı, sayt istifadəçiləri bölməyə daxil olmaqla Azərbaycanda turizmin inkişaf tarixini öyrənə biləcəklər. Saytın yeni bölməsi sentyabrda istifadəyə veriləcəkdir.
Bölmənin digər xəbərləri
