Milli Məclisdə vərəmlə mübarizəyə dair ictimai dinləmə keçiriləcək
Bakı, 15 sentyabr, AZƏRTAC
Milli Məclisdə vərəmlə mübarizəyə dair ictimai dinləmə keçiriləcək.
AZƏRTAC xəbər verir ki, bu barədə Milli Məclisin Səhiyyə komitəsinin sədri Əhliman Əmiraslanov komitənin sentyabrın 15-də keçirilən iclasında bildirib.
Komitə sədri diqqətə çatdırıb ki, bununla bağlı məsələ komitənin 2025-ci ilin payız sessiyası üçün İş planına daxil edilib.
O qeyd edib ki, sessiya müddətində “Azərbaycanda vərəmlə mübarizə: mövcud vəziyyət, problemlər və onların həlli yolları” mövzusuna dair ictimai dinləmə təşkil olunacaq.
Dünyada vərəmə yoluxma hallarının artdığını deyən Əhliman Əmiraslanov əlavə edib: “Hazırda vərəmin müalicəyə çətin tabe olan formaları ortaya çıxıb. Ona görə də müvafiq qurumlarla birgə dinləmə keçirməyə ehtiyac var”.
Bölmənin digər xəbərləri
