MİLLİ MƏCLİSİN DEPUTATI TÜRKİYƏNİN BEYNƏLXALQ TƏŞKİLATLARDA ROLUNA HƏSR OLUNMUŞ BEYNƏLXALQ KONFRANSDA İŞTİRAK EDƏCƏKDİR
AZƏRTAC xəbər verir ki, sentyabrın 12-də İstanbulda “ARI Movement” təşkilatının 10-cu illik beynəlxalq təhlükəsizlik konfransı öz işinə başlamışdır.
Tədbirdə Milli Məclisin deputatı Asim Mollazadə iştirak edir.
Milli Məclisdən bildirmişlər ki, “Gələcəyə baxış: Qarşıdakı onillikdə Türkiyənin beynəlxalq münasibətlərinin qurulması” mövzusuna həsr olunmuş konfransda Türkiyənin beynəlxalq təşkilatlarda, xüsusilə BMT-nin Təhlükəsizlik Şurasında, NATO-da və regionda rolu, qonşu dövlətlərlə əməkdaşlığın balanslaşdırılması və digər məsələlər ətrafında fikir mübadiləsi aparılacaqdır.
Milli Məclisin deputatı “Enerji geopolitikası: təhlükəsizlik və yaşamaq uğrunda mübarizə” mövzusunda çıxış edəcək, fikirlərini bölüşəcəkdir.
Bölmənin digər xəbərləri
