Minifutbol üzrə Azərbaycan yığması bu gün Avropa çempionatının final oyununa çıxacaq
Bakı, 11 iyun, AZƏRTAC
Minifutbol üzrə Azərbaycan millisi bu gün Slovakiyanın Koşitse şəhərində keçirilən Avropa çempionatında final oyununa çıxacaq.
AZƏRTAC xəbər verir ki, Elşad Quliyevin baş məşqçi olduğu komanda həlledici matçda Rumıniya seçməsi ilə qarşılaşacaq.
Görüş Bakı vaxtı ilə saat 22:15-də start götürəcək.
Üçüncü yer uğrunda matçda isə Qazaxıstan Bolqarıstanı sınağa çəkəcək.
Bu görüş Bakı vaxtı ilə saat 20:00-da başlayacaq.
Xatırladaq ki, Azərbaycan millisi yarımfinalda Qazaxıstana, Rumıniya isə Bolqarıstana qalib gəlib.
Bölmənin digər xəbərləri
