Moldova klubunun baş məşqçisi: İlk hissənin sonunda iki lazımsız qol buraxdıq
Bakı, 31 iyul, AZƏRTAC
"Sabah"ı təbrik edirəm.
AZƏRTAC xəbər verir ki, bu sözləri Moldovanın "Petrokub" komandasının baş məşqçisi Şota Maxaradze UEFA Konfrans Liqasının II təsnifat mərhələsində "Sabah"a 1:4 hesabı ilə məğlub olduqları cavab görüşündən sonra təşkil olunan mətbuat konfransında deyib.
O, birinci oyundan sonra daha çox risk etdiklərini bildirib: "Bütün gücümüzü göstərməyə çalışdıq. Birinci matçda 82 dəqiqə bərabər səviyyədə oynadıq. Bugünkü görüşdə boşluqlar oldu. İlk hissənin sonunda iki lazımsız qol buraxdıq. Məğlub olmaq məyusedicidir. Yaxşı komandamız var. Amma futbolda belə şeylər olur".
“Sabah” III təsnifat mərhələsində “Levski” (Bolqarıstan) – “Braqa” (Portuqaliya) cütünün məğlubu ilə qarşılaşacaq.
Bölmənin digər xəbərləri
