Moldovada İdman və Olimpiya Hərəkatı Günü qeyd olunacaq
Kişineu, 18 dekabr, AZƏRTAC
AZƏRTAC “Komsomolskaya pravda v Moldove” nəşrinə istinadla xəbər verir ki, may ayının üçüncü şənbə günü Moldovada İdman və Olimpiya Hərəkatı Günü qeyd ediləcək. Parlament müstəqil deputat Nikolay Juravskinin təklif etdiyi qərarın müvafiq layihəsini qəbul edib.
Deputatlar qərar layihəsini yekdilliklə dəstəkləyiblər. Onlar bildiriblər ki, İdman və Olimpiya Hərəkatı Gününün bayram edilməsi idmanla məşğul olmağın bütün cəmiyyət üçün üstünlüyünü göstərəcək.
Zeynal Ağazadə
AZƏRTAC-ın xüsusi müxbiri
Kişineu
Bölmənin digər xəbərləri
