Murmanskda ümummilli lider Heydər Əliyevin xatirəsini anmışlar
Bakı, 12 dekabr (AZƏRTAC). Ümumrusiya Azərbaycan Konqresinin (ÜAK) Murmansk vilayət bölməsində Azərbaycanın ümummilli lideri Heydər Əliyevin xatirəsinə həsr olunmuş tədbir keçirilmişdir.
Murmansk vilayəti İctimai Palatasının üzvü, ÜAK-ın regional bölməsinin sədri Afil Hüseynov, müstəqil Azərbaycanın təşəkkülündə və tərəqqisində misilsiz xidmətləri olan böyük siyasi xadimin şanlı həyat yolundan və zəngin siyasi fəaliyyətindən söz açmışdır.
Tədbirdə, həmçinin ÜAK-ın regional bölməsinin rəyasət heyətinin üzvləri Amil Vəliyev, Məmməd Məmmədov, Vüsal İbrahimov, Aytac İbrahimova, Rusiyanın Azərbaycanlı Gənclər Təşkilatının (RAGT) Murmansk vilayəti üzrə sədri Emin Seyfili, RAGT-ın fəalları Emil Hüseynov və başqaları müasir müstəqil dövlətin memarı və qurucusu olan dünya şöhrətli siyasi xadim Heydər Əliyevin Azərbaycan tarixində müstəsna rolundan danışmışlar.
Anma mərasimində ümummilli liderin həyat və fəaliyyəti haqqında videosüjetlər, habelə kitablar nümayiş etdirilmişdir.
Bölmənin digər xəbərləri
