Müstəqil dövlətçiliyimizin qorunmasında, ölkədə sabitliyin təmin edilməsində Azərbaycan polisinin müstəsna xidmətləri var
İmişli, 1 iyul, Aydın Yavərzadə, AZƏRTAC
İmişli rayonunda Azərbaycan Polisi Günü münasibətilə tədbir keçirilib.
AZƏRTAC-ın bölgə müxbiri xəbər verir ki, İmişli Rayon Polis Şöbəsinin inzibati binasında reallaşan tədbirdən əvvəl Milli Qəhrəman İmamverdi Əliyevin büstü ziyarət edilərək önünə gül dəstələri düzülüb və xatirəsi ehtiramla yad edilib. Tədbirdə şəhidlərimizin xatirələri bir dəqiqəlik sükutla anılıb.
Rayon Polis Şöbəsinin rəisi Füzuli Şıxəliyev çıxış edərək hüquq-mühafizə orqanlarına göstərdiyi dəstəyə, diqqət və qayğıya görə Prezident İlham Əliyevə minnətdarlığını bildirib, bundan sonra da sədaqətlə xidmət edəcəklərini, səmərəli fəaliyyət göstərəcəklərini, həmçinin polis adını şərəflə qoruyacaqlarını vurğulayıb.
İcra başçısı Elçin Rzayev Azərbaycan Polisi Günü münasibətilə hüquq-mühafizə orqanlarının əməkdaşlarını təbrik edib, müstəqil dövlətçiliyimizin qorunmasında, ölkədə sabitliyin təmin edilməsində, cinayətkarlığa qarşı mübarizədə Azərbaycan polisinin müstəsna xidmətləri olduğunu qeyd edib.
YAP İmişli rayon təşkilatının sədri Səfa Ağayev bildirib ki, bugünkü sabitliyin, inkişafın, gələcəyə inamın təməlində Prezident İlham Əliyevin yürütdüyü siyasət durur.
Digər çıxışlarda qeyd edilib ki, polis yarandığı gündən xalqın və dövlətin mənafeyinə ləyaqətlə xidmət edib, asayişin və təhlükəsizliyin mühafizəsi, sabitliyin və əmin-amanlığın qorunması, cinayətkarlığa qarşı mübarizə kimi məsuliyyətli vəzifələrin öhdəsindən gəlib. Vurğulanıb ki, polis orqanları mərdlik, cəsarət və rəşadətlərlə zəngin bir yol keçərək öz şərəfli missiyasını layiqincə yerinə yetiriblər.
Bölmənin digər xəbərləri
