Muxtar Nağıyev: Xocalı faciəsi dünya ictimaiyyətinin yaddaşında dərin iz buraxıb
Bakı, 23 fevral, AZƏRTAC
Xocalı soyqırımı insanlığa qarşı törədilmiş ən ağır cinayətlərdən biri kimi tarixə düşüb. Bu faciə dünya ictimaiyyətinin yaddaşında dərin iz buraxıb, beynəlxalq hüquq normalarının kobud şəkildə pozulmasının bariz nümunəsinə çevrilib.
AZƏRTAC xəbər verir ki, bu sözləri Yeni Azərbaycan Partiyasının (YAP) Səbail rayon təşkilatının sədri Muxtar Nağıyev deyib.
"Azərbaycan xalqına qarşı törədilmiş bu cinayətə beynəlxalq hüquqi-siyasi qiymət verilməsi və ədalətin təmin olunması mühüm əhəmiyyət daşıyır. Bu istiqamətdə aparılan siyasət bu gün də Azərbaycan Respublikası tərəfindən ardıcıl şəkildə davam etdirilir və Xocalı həqiqətlərinin dünya miqyasında tanıdılması dövlət siyasətinin prioritet istiqamətlərindən biri olaraq qalır", - deyə M.Nağıyev qeyd edib.
Bölmənin digər xəbərləri
