Natiq Bağırov: Bizi bundan sonra dünya çempionatı gözləyir
Bakı, 27 iyun, AZƏRTAC
Bizim yığma komandamız Avropa çempionatında rekorda imza atdılar.
AZƏRTAC xəbər verir ki, bu sözləri Portuqaliyanın Odivelas şəhərində keçirilən yeniyetmələr arasında Avropa çempionatının qaliblərinin qarşılanma mərasimində Azərbaycan Cüdo Federasiyası prezidentinin müşaviri Natiq Bağırov bildirib.
O qeyd edib ki, yeniyetmələrdən ibarət milli yığmamız 6 qızıl medal əldə edərək, Avropa çempionu olublar. “Bizim komandamız Vətənə böyük nəticə ilə qayıdıblar. Bütün idmançılarımıza uğurlar arzu edirəm. Bu, bizim xalqımızın qələbəsidir. Bizi bundan sonra dünya çempionatı gözləyir. Var gücümüzlə o yarışlara hazırlaşacağıq", - deyə müşavir əlavə edib.
Bölmənin digər xəbərləri
