“Neftçi” klubunun “Jelezniçar” ilə keçirəcəyi oyunlara hakim təyinatları açıqlanıb
Bakı, 24 iyul, AZƏRTAC
“Neftçi”nin UEFA Avropa Konfrans Liqasının ikinci təsnifat mərhələsində Bosniya və Herseqovinanın “Jelezniçar” klubu ilə keçirəcəyi oyunların hakim təyinatları açıqlanıb.
Bu barədə AZƏRTAC-a klubun mətbuat xidmətindən məlumat verilib.
İyulun 27-də Bakı vaxtı ilə saat 23:00-da Qrbaviça stadionunda keçiriləcək ilk matç Estoniyadan olan hakimlər briqadasına tapşırılıb. Baş hakim Yuri Frişer, onun köməkçiləri Veyko Möytsnik və Sander Saqa olacaqlar. Dördüncü hakim funksiyasını Kevin Qayivoya icra edəcək.
Avqustun 3-də saat 21:00-da “Bakcell Arena”da təşkil olunacaq cavab görüşünə isə Macarıstandan olan hakimlər təyinat alıblar. Baş hakim Balaj Berkeyə Balaj Buzaj və Balaj Sert kömək edəcəklər. Dördüncü hakim Bentse Çonka olacaq.
Bölmənin digər xəbərləri
