“Neftçi” Melilya mərhələsinin bir nömrəli komandasını məğlub edərək finala yüksəlib
Bakı, 19 avqust, AZƏRTAC
"Neftçi" İspaniyada təşkil olunmuş 3x3 basketbol üzrə Dünya Qadın Seriyasının Melilya mərhələsində yarımfinal oyununa çıxıb.
AZƏRTAC xəbər verir ki, Azərbaycan təmsilçisi finala gedən yolda bu mərhələnin bir nömrəli komandası Çin millisi ilə üz-üzə gəlib.
Rəqibini 17-13 hesabı ilə məğlub edən "Neftçi" həlledici görüşə vəsiqə qazanıb.
Finalda rəqib Niderland - İspaniya oyununun qalibi olacaq. Görüş bu gün Bakı vaxtı ilə saat 23:15-də başlayacaq.
Bölmənin digər xəbərləri
