Neymar zədə səbəbindən PSJ – “Leyptsiq” matçını buraxacaq
Bakı, 19 oktyabr, AZƏRTAC
Fransanın PSJ futbol klubunun hücumçusu Neymar zədələnib.
AZƏRTAC xəbər verir ki, 29 yaşlı futbolçu Braziliya millisinin düşərgəsindən zədəli qayıdıb. Əzələsində ağrıları olan hücumçunun bərpa müddətinin bir neçə gün davam edəcəyi açıqlanıb.
Neymar zədə səbəbindən bu gün UEFA Çempionlar Liqasının qrup mərhələsi çərçivəsində Almaniyanın “Leyptsiq” komandası ilə oyunda komandasına kömək edə bilməyəcək.
Qeyd edək ki, PSJ - “Leyptsiq” matçına Bakı vaxtı ilə saat 23:00-da start veriləcək.
Bölmənin digər xəbərləri
