Nizami Gəncəvi Beynəlxalq Mərkəzi Viktor Yuşşenko İnstitutu ilə əməkdaşlıq edəcək
Andorra, 15 sentyabr (AZƏRTAC). Andorrada keçirilmiş “Avropada etimadın bərpa olunması” adlı konfrans çərçivəsində Nizami Gəncəvi Beynəlxalq Mərkəzi ilə Viktor Yuşşenko İnstitutu arasında əməkdaşlıq haqqında memorandum imzalanıb. Sənəd qlobal və regional miqyasda etik prinsiplərə əsaslanan dialoq və əməkdaşlığın təbliğini nəzərdə tutur. Hər iki qurum mədəniyyət, dialoq, sülh və tolerantlığın təbliğ olunması istiqamətində birgə fəaliyyət göstərəcək.
Bundan başqa, Nizami Gəncəvi Beynəlxalq Mərkəzi ilə Ukraynanın sabiq birinci xanımı Katerina Yuşşenkonun rəhbərlik etdiyi “Ukrayna 3000” fondu arasında da əməkdaşlıq haqqında müqavilə imzalanıb. Bu müqavilə humanitar sahədə əməkdaşlığı, eləcə də Ukrayna və Azərbaycan xalqları, mədəniyyətləri arasında dialoq və anlaşmanı nəzərdə tutur.
Aygün Əliyeva
AZƏRTAC-ın xüsusi müxbiri
Andorra
Bölmənin digər xəbərləri
