NOBEL MÜKAFATI LAUREATI ŞİRİN EBADİ QƏRBİN İRANI HƏDƏLƏMƏSİNİ YANLIŞ SAYIR

30.09.2006 [15:42]
Çap et
A⁺ A^-

AZƏRTAC-ın xüsusi müxbiri xəbər verir ki, iranlı hüquqşünas və insan hüquqları müdafiəçisi, 2003-cü ildə Nobel mükafatına layiq görülmüş Şirin Ebadi İsveçdəki Beynəlxalq kitab sərgisində “Mənim İranım” kitabının təqdimatı zamanı çıxışında ABŞ-ın və digər Qərb ölkələrinin İranı hədələməsini yanlış saydığını bildirmişdir.

Xanım Ebadinin sözlərinə görə, İran ziddiyyətlər ölkəsidir və Qərbin bu ölkəni “ağ-qara” şəklində görməsi düzgün deyildir. Bir yandan, qanunlar qadınların kişilərdən az hüquqa malik olmasını təsbit edərkən, digər tərəfdan universitet tələbələrinin 65 faizi qızlardır. İran parlamentində 13 qadın təmsil olunmuşdur.

Xanım Ebadi ABŞ-a və Qərbə məsləhət görmüşdür ki, İranın nüvə proqramı əvəzinə, insan haqları məsələlərini önə çəksinlər.