NOVRUZ BAYRAMI NYU-YORK MERİNİN İQAMƏTGAHINDA QEYD EDİLMİŞDİR
AZƏRTAC-ın xüsusi müxbiri xəbər verir ki, Amerikanın Azərbaycan Cəmiyyəti (AAC) Nyu-York şəhərinin meri Maykl Blumberqin iqamətgahında Novruz bayramını qeyd etmişdir.
AAC-nin prezidenti Tomris Azərinin verdiyi məlumata görə, Manhettendəki “Qreysi” iqamətgahında cəmiyyətin təşkil etdiyi ziyafətdə türk, İran, Pakistan və əfqan diasporunun fəalları da iştirak etmişlər. Qonaqlar arasında Azərbaycanın BMT-dəki daimi nümayəndəsi səfir Aqşin Mehdiyev də olmuşdur.
Mer M.Blumberq Azərbaycan icması üzvlərini və Azərbaycan xalqını Novruz bayramı münasibəti ilə təbrik etmişdir.
Tomris Azəri xalqımızın əziz bayramı olan Novruz haqqında məlumat vermiş, M.Blumberqi qədim adət-ənənələrimizlə tanış etmişdir.
Sonda M.Blumberqə Heydər Əliyev Fondu tərəfindən hazırlanan Xocalı soyqırımı haqqında kitab təqdim edilmişdir. Tomris Azəri Nyu-York merini Azərbaycana səfər dəvət etmişdir.
######
Bölmənin digər xəbərləri
