OĞUZDA TURİZM İDMAN KOMPLEKSİ TİKİLİR
AZƏRTAC xəbər verir ki, “Azərbaycan Respublikası regionlarının sosial-iqtisadi inkişafı Dövlət Proqramı”na uyğun olaraq, Oğuzda Turizm İdman Kompleksinin tikintisinə başlanılmışdır. Burada müasir tələblərə cavab verən 36 nömrəlik mehmanxana, üzgüçülük hovuzu, idman zalları, habelə ailəvi istirahət üçün kotteclər inşa ediləcəkdir.
Rayon icra hakimiyyətindən bildirmişlər ki, yerli iş adamlarının vəsaiti ilə inşa edilən kompleksin tikintisinə 30 nəfərə yaxın işçi qüvvəsi cəlb edilmişdir. İdman kompleksi fəaliyyətə başladığı zaman burada 50 nəfər daimi işlə təmin ediləcəkdir. Kompleksin cari ilin sonunadək istifadəyə verilməsi nəzərdə tutulur.
Bölmənin digər xəbərləri
