OKSFORDDA “AZƏRİ NEWS” BÜLLETENİ ÇAPDAN ÇIXMIŞDIR
AZƏRTAC xəbər verir ki, aprelin 21-də Azərbaycanlı Gənclər Klubunun Oksford nümayəndəliyinin və yenicə nəşrə başlayan “Azeri News” bülleteninin təqdimatı keçirilmişdir. Oksfordda təhsil alan və yaşayan azərbaycanlı tələbərin iştirak etdikəri tədbirdə klubun təmsilçisi, Oksford -Azərbaycan Cəmiyyətinin sədri Eldar Rüstəmov demişdir ki, azərbaycanlı gənclərin fəal və planlı fəaliyyətini təmin etmək məqsədilə bundan sonra da bir sıra maraqlı layihələr həyata keçiriləcəkdir.
“Azeri News” bülleteninin təqdimatından sonra gənclər klubu “Hərəyə bir kitab” kampaniyasını gerçəkləşdirəcəkdir.
E.Rüstəmov bildirmişdir ki, Böyük Britaniyanın digər şəhərlərində təhsil alan və yaşayan gənclərimizin də diaspor işinə fəal qoşulmaları üçün yaxın vaxtlarda London-Azərbaycan Evində görüş keçiriləcəkdir.
######
Bölmənin digər xəbərləri
